總瀏覽量

2014年12月18日 星期四

亂步荃灣,竟然好玩!(漁川米線)










亂步荃灣,都幾有趣,沿路會發現很多有特色的各行各業店鋪。

(一)
一間大押某一邊玻璃窗,賣典當的舊物,有些頗有特色。
有紙標明:物品真偽請自行判斷。
押鋪鋪主還寫得一手好字呢!

(二)
商場的日本食店,外牆設計幾有特色。

(三)
街頭塗鴉,有點意思。

(四)
吃!
有檔手撕雞,下次外賣。
今次先試漁川米線(荃灣沙咀道317號)。

呢間強打順德特色食物的小店,其經營風格,一句就可以形容:以「大」迷客。

它明明地方很小,座位又窄,但其招牌菜單圖片,菜式用料配搭少見,分量夠大,所有圖片都似乎想做到「很明顯地隱藏著」一個「抵」字。

花膠米線、三文魚扒米線,真吸引,奈何小弟從小就討厭花膠和三文魚,只叫了非常普通的十丸拼盤,配飯(傻的嗎?誠心想撐破客人的肚皮嗎?好彩可轉叫米線,肚皮近乎爆而未爆)、油菜,另叫杯奶茶(再次,傻的嗎?用隻碟承托?店超小奶茶碟超大,冇嘢呀?)

所謂食在廣州,以武功論,廣州菜是黃藥師,但好食之徒皆知,順德菜是歐陽鋒,問你怕未?
呢間以「大」迷客的漁川,有點氣勢,可惜,實在太可惜。

十丸味道只是一般而已,咁就嘥料了,有負順德菜威名。
忍不住打個比喻,比利的足球意識一百分,但若以如今之年紀出戰,必定連黃大仙隊現役球員都不如。
身體機能追不上意識。不得不輸。
十丸材料質素追不上好的飲食概念。不得不令人大嘆可惜。



好盞的馬拉盞豬頸肉炒芥蘭


路過荃灣街邊小店,得十個位左右,志在求其爽手填完肚即撇。
吖!竟然有小菜,馬拉盞豬頸肉炒芥蘭,52蚊,此乃淨菜價,一個飯要10蚊,飲品另計。
咁屈質嘅格局,小菜價似乎略貴噃!
面皮薄,坐低咗就算。
小店,只得一隻鑊,距我兩米半,我坐而見晒,你話幾蚊型呢。
炒菜的是個接近六十的婦人,馬拉feel,跟少東主正在吵架,不太激烈,但兩皆面黑。
估唔到咁黑仔!
我暗自盤算,食完速撇。

馬拉盞豬頸肉炒芥蘭,十分鐘炒起。
吖!竟然,竟然愈食愈好味,留意,唔係一食就好味,係愈食愈好味,畫圖解的話,條線係愈行愈高的。
好味,真係好好馬拉盞味,豬頸肉一沾上汁,亦唔輪到佢唔好味。
唔知係咪因為吵架有團火,所以炒得特別夠火候呢?
張相......事關我太投入品嘗,搞亂咗食前照與食後照的拍攝順序。
咁屈質的小店,我竟然有不日encore的想法,真係講你都唔信(唔信罷就)!

什麼店?
荃灣荃貴街,佳美美食(個店名,實在太普通了)是也!




沒有留言:

張貼留言