總網頁瀏覽量

2014年10月10日 星期五

藝術靜、淨地----牛棚藝術村












 

 

去過牛棚藝術村的人說:進入牛棚,如入空城。

我去了,確有此感覺。

參觀的人很少,當天,管理員和參觀者人數,叮噹馬頭。

 

不過,雖似空城,卻有可觀之作。

牛棚藝術村,既静,又淨。

村內有藝術家駐守,也有團體排練和表演的劇場。

一些出色的圖畫、陶瓷、劇場道具,被安放得很是招惹鏡頭。

 

它們雖無言,但站在那裡,就已經是一種表達。

我拍下它們,其實已經是一種回應。

我選取的拍攝角度,就是我的回應風格。

 

此刻,讀者看著我的文字和圖片,萌生之想法,又是一種回應。

世界之活潑,就是源於無數心靈的共鳴。

 

順便一說,與牛棚藝術村相鄰的中華煤氣中心,外觀也相當不俗。

 

2014年10月8日 星期三

借問unfriend何處有?Google遙指facebook。





Facebooklikehate,卻有unfriend功能。

Unfriend
新浪潮崛起,絕交書如飛霜落滿我城。

請看以下對話:

A喂,瞓咗未呀你?
B未呀,點呀?成兩日冇搵我?

A呢排去咗佔領旺角,不如聽日你都嚟。
B下?我,我覺得你哋咁樣佔領馬路,唔啱喎。


A咩話?政府咁衰你都唔上街?
B咁都唔應該佔領馬路,影響當地居民。


A為咗下一代不做奴才,梗係要有人付出犧牲架啦。
B你哋口口聲聲話爭取民主,未問過人就佔領馬路,影響當地民生,講得通嗎?你們究竟是爭取民主,還是反民主?


A我哋係狙擊惡法,為香港人爭取真普選,目光要放長遠D
B當地居民同你政見一樣咩?使鬼你代人爭取咩?你係劫持埋不同政見嘅人嘅權利去爭取你哋嘅理想喎!


A唔通你接受中央安排好似狼英咁乞人憎嘅人管治香港?推廿三條你就知死。咁都唔上街,試問你仲有冇良知?
B抗爭者要截查警車,無法無天,究竟邊個至係警察呀大佬,形同文革紅衞兵,恐怖就真。為咩唔阻止佢哋?


A你用文革紅衞兵來形容爭普選嘅青年人,你簡直離晒譜,不可理喻。
B你至係冇理性。


A你甘願做狗。
B你蠢過豬。


A冇嘢好講,道不同不相為謀。
B即係點?


AUnfriend你囉。
B你以為我好想同你做friend呀?UnUn囉,咁下禮拜約咗去一蘭......


A黐線。仲同你去一蘭?收線啦。

Unfriend
,正式啟動!

(如有大量雷同個案,實屬珍珠都冇咁真。)

浪潮勢猛,詩句哀吟:

1/夕陽西下,斷腸人在unfriend
2/本是同根生,unfriend何太急?
3/夜來unfriend聲,失落知多少。
4/烽火連十月,unfriend抵千言。
5/有緣千里來佔中,無緣unfriend不相逢。
6/天長地久有盡時,unfriend綿綿無絕期。

Unfriend潮一旦氾濫,會將社會切割,凡事以人多就是真理來處事,非常危險。

 

對於unfriend潮,我有個對策,想法來自朋友編輯Kfacebook上說,有一個街頭小型分享會,主持人溫馨提示,有時,我們不妨也想想自己的不是。


不錯,在與朋友產生嚴重意見分歧時,不妨先想想自己的不是,站在對方立場審視自己,看看對方的說法有沒有一點點道理?
如果對方有其道理,這代表彼此只是角度不同,而你馬上將之unfriend,那就是你不對了。
想過自己的不是之後,無論是否堅持原來的想法,也已大大減弱「嬲到冇朋友做」的衝動念頭。

 

當然,以上所論並非全盤否定unfriend,若是遇到極其不可理喻的人,大可un之。平日也可如此,並非發生大事才會出現。

 

今次雨傘運動變化太快太奇特,不該重責任何人,但有些錯,必須有勇氣承認和修正。

我們都願意相信確當的獨立思考是好東西,但你知道自己的獨立思考是否確當嗎?

(附圖是旺角街頭畫作)