香港尋食三記

 

 

（一）

 

津津的雲吞，好。

但更好的是它的湯底，芝麻、芫荽、麻油，調得頗有技巧，故而香味誘人。

但最好的還是重慶涼麵，我一般愛吃熱食，當時，幾乎很天真很傻地想問：有冇熱的重慶涼麵？

一吃之下，立馬驚嘆，並慶幸這世上沒有熱的重慶涼麵，原來，涼麵涼得天經地義，小辣調味爽得立地成仙。
太好味了。

不想再形容了，任何文字都比不上你親口試一試。

砵蘭街456號，店太小，不設堂食，站在花槽邊吃，與紅燈前的司機s互啤，別有風味。

小號裝涼麵，7元。
雲吞24元15隻。

（二）

 

既到上環，順道去著名的粥麵鋪「生記」。

「生記」的魚腩粥名震上環，首次登門試食。

叫了魚腩粥（35元）和煎魚餅（13元）。

 

魚腩粥果然誘人，魚腩多到好似有半條，顛覆了到一般粥店的食粥概念。
魚腩粥不是一碗粥，而是一個餐，所以賣35元。

魚腩啖啖嫩肉，很好吃。

煎魚餅熱到「辣」唇，卻又不捨吐出，也很好。

相信其他未嘗的品種也是好味，等我下次試埋永合成的「窩蛋牛肉飯」再翻桌。

 

多年前，我曾在上環亂巷中（已找不到那地方了）吃過第一流的「窩蛋牛肉飯」，且看永合成的能否讓我的食指跳動？

 

（三）

 

無意中食咗一次唐記包點的菜肉包，頗有驚喜。

唐記嘅菜肉包竟再分成6種：原味、韭菜肉、榨菜肉等。

唐記嘅菜肉包，好有菜肉包味。

唔係講笑，而家D包，餡不好，味不對，所以冇晒包味。

呢度D菜肉包，一咬，砰一聲，令我返到多年前，重遇當年用良心做出的包味。

唐記嘅菜肉包好食之餘，員工手腳也相當快捷，
佢哋深知來幫襯嘅人都想快，所以絕不拖拉。

遠勝超級市場、銀行、投注站職員。