總瀏覽量

2015年6月4日 星期四

識感受災難嘅,必揀睇《加州大地震》(另篇,回味《國產凌凌漆》之好笑)



此片的特技震撼,鏡頭角度取得很好,加入3D效果,讓人猶如置身電影鋪設的災難之中。

第一幕撞車,就令我感受到(七成)撞車的效果。
輕嘆:睇完呢部戲,總算試過撞車。

此片堪稱海陸空大逃亡,留在平地上,高樓亂塌,好危險。空中飛,冇油、故障、避危樓,同樣危險。海上飛艇,有海嘯、貨船貨櫃亂飛,更危險。
危險,在編劇筆下,無處不在。

故事講大隻佬Rock婚變,加州地震令一家人和好,更愛彼此。
每人皆有機會出力,恰到好處。
克服重重難關,逃出生天之後,在美國旗下展望重建。

在災難中成就圓滿主題。
(奉美國為世界超級警察的陶傑必讚)

此片特技確是出色。
建議睇3D

只有一個缺點,Rock的女兒身材太好,太招搖,令此加州災難,災難得不夠徹底。難道要觀眾在悽慘的氛圍裡讚歎嗎?(黐線,咁都算缺點?)

 

回味國產凌凌漆》之好笑


周星馳電影中,我對國產凌凌漆特別偏愛,因為戲中有很多經典細節,雖細卻是經典的小節,我更喜歡。


例如,周星馳和袁詠儀入賴有為豪宅,喼神令星爺撞牆,頭部流血,急住要向袁詠儀解釋自己並非浪得虛名,袁詠儀鄙視式遞上紙巾:「抹咗D血先啦。」

星爺:「好呀!又得啫!」呢句「又得啫!」可謂妙絕,一個老同學每次向我提起呢句佢都笑到企唔穩。

呢類細節,有數十個之多。

我最like的一個是入賴有為大宅之前,周星馳和袁詠儀下車。

凌凌漆:阿琴,如果今日能夠完成任務嘅話,我就走架喇,所以睇下你鍾意啲咩,我送俾你。
阿琴:唔使喇。
凌凌漆:要嘅。
阿琴:白玫瑰吖。
凌凌漆:You are very romantic!(笑死)
阿琴:或者我送俾你呢。(心想:殺死你,所以送白玫瑰。)
非常投入的凌凌漆:Very romantic!(再次笑死)


國產凌凌漆》配樂亦應記一功,搞鬼時搞鬼,憂傷時也有點意境。

沒有留言:

張貼留言