總瀏覽量

2015年6月30日 星期二

寫寫兩個女性朋友。一個超論盡。一個勁搶拍

 



有兩個女性朋友,一個超論盡,一個勁搶拍。
超論盡那個E女,可跟藍精靈村裡的論盡仔一拼。
有時一齊吃飯,餐枱上七八件物件,她一定會碰跌一件,一定。
或是筷子,或是叉子,或是水,總之說話一激動,她就會碰跌物件,然後彎腰撿拾,頭撞餐桌。
論盡得令人無奈,也無法預防。
但除了論盡,其他方面她卻超正常,投資方面更是定力十足,穩守突擊,屢有斬獲,吹其不脹。

另一個H女,是中學同學,成績不錯,但說話和思維都很急趕,經常搶拍,不能自控。

舉個對話例子。
成班同學(包括H女和我)睇完《食神》,第二日在課室。
她:葉在飛同學,你覺得嗰部《食神》好唔好睇?
我:我......
她:我覺得唔好睇,D笑料好無厘頭.......你覺得點啫?你都未答我?
我:我覺得......
她:其實我唔鍾意周星馳,都唔知點解咁多人話佢係天才.......你做咩唔答我啫?
我無言。
她:你唔開心咩,你平時好多嘢講架?人地咁認真問你又唔答人。

我在紙上寫下幾個字:今日喉嚨痛,講唔到嘢。

她:哦,早出聲吖嘛!講番部戲先,其實尋晚我都唔知你哋笑乜......

特別聲明,她並非在搞笑,是認真談話,而她的成績確是不錯的。

 

按:無意取笑她倆,其實是在緬懷。

沒有留言:

張貼留言